السلام عليكم ورحمة الله تعالى وبركاته
ازيكم يابنات
الليلة جايبة ليكم خلطة تقشير رووووووووووووووووعة وجربتها انا وبت عمى واحنا بشرتنا دهنية.بعد سويتها خالتى وبت عمتى سالونى عملتا شنو فى وشى فتح لونو؟انا اتبسطا شديد.
الخلطة دى بتنعم البشرة وتفتح لونها وبتدى لون حلو ونضارة.
يلا على الخلطة:
1ملعقة صغيرة ترمس مسحون
1ملعقة صغيرة قشر برتقال مسحون
1ملعقة صغيرةكركم ناعم
1ملعقة صغيرة لبن بدرة
1ملعقة صغيرة نشا
اخلطيهم بموية حتى يكون القوام عجينة سائلة وحطيه على وشك وافركى لمدة خمسة دقايق وخليه ينشف وبعد داك اغسليهو بموية فاترة بعدها موية باردة عشان تقفل المسام.
الخلطة دى لانها تقشير تستعملوها مرتين بس فى الاسبوع اتفقنا.
الحاجات دى ممكن تتلقى عند العطار جاهزة ومسحونة.
موضوع: تقشير طبيعى ولا احلى ومجرباهو 
الجمعة نوفمبر 12, 2010 8:12 am
